കല്‍പ്പറ്റ: തലയ്ക്കല്‍ ചന്തു മ്യൂസിയം കോഴിക്കോട്ട് സ്ഥാപിക്കാനുള്ള സര്‍ക്കാര്‍ നീക്കത്തിനെതിരേ പ്രതിഷേധവുമായി കുറിച്യ സമുദായ സംരക്ഷണ വികസനസമിതി.
പനമരത്തെ കോളിമരച്ചുവട്ടില്‍ മ്യൂസിയം സ്ഥാപിച്ചില്ലെങ്കില്‍ ശക്തമായ സമരപരിപാടികള്‍ക്ക് നേതൃത്വം നല്‍കുമെന്ന് നേതാക്കള്‍ പറഞ്ഞു. കോളിമരച്ചുവട്ടില്‍ മ്യൂസിയം നിര്‍മിക്കുന്നതിനായി 92 സെന്റ് സ്ഥലവും കെട്ടിടവും ഉണ്ട്. തലയ്ക്കല്‍ ചന്തുവിന്റെ പിന്‍മുറക്കാരായ കുറിച്യ സമുദായത്തിന്റെ അംഗീകാരമോ സമ്മതമോ മ്യൂസിയം കോഴിക്കോട്ട് സ്ഥാപിക്കുന്നതിന് ഇല്ലെന്നും നേതാക്കള്‍ പറഞ്ഞു.