കാഞ്ഞങ്ങാട്: കാഞ്ഞങ്ങാട് അലാമിപ്പള്ളി പുതിയ ബസ് സ്റ്റാന്‍ഡിനുമുന്‍വശം കാന്തപുരം വിഭാഗത്തിന്റെ നിയന്ത്രണത്തിലുള്ള പള്ളിയുടെ സ്ഥലം കൈയേറി സി.പി.എം പ്രവര്‍ത്തകര്‍ നിര്‍മിക്കുകയും വിവാദമാകുകയും ചെയ്ത ബസ് കാത്തിരിപ്പ് കേന്ദ്രം ഇന്നലെ രാവിലെയോടെ പൊളിച്ചു നീക്കിയനിലയില്‍. പള്ളിസ്ഥലം കൈയേറി ബസ് കാത്തിരിപ്പ് കേന്ദ്രം പണിതതിനെതിരേ കാന്തപുരം സുന്നി വിഭാഗം നേതാക്കള്‍ പൊലിസില്‍ പരാതി നല്‍കുകയും സംഭവം ചര്‍ച്ച ചെയ്യാനായി പള്ളി കമ്മിറ്റിയുടെ വകയായി ഇന്നലെ വൈകീട്ട് യോഗം വിളിച്ചു ചേര്‍ക്കുകയും ചെയ്തിരുന്നു .
അതിനിടയിലാണ് ഇന്നലെ രാവിലെ ബസ്‌സ്റ്റോപ്പ് പൊളിച്ചു നീക്കിയ നിലയില്‍ കണ്ടത്. തുടര്‍ന്ന് യോഗം നിര്‍ത്തി വച്ചു.