കിഴിശ്ശേരി: മുണ്ടംപറമ്പ് മില്ലുംപടിയില്‍ കാര്‍ നിയന്ത്രണം വിട്ടു താഴ്ചയിലേക്കു മറിഞ്ഞു. കാറിലുണ്ടായിരുന്നവര്‍ അത്ഭുതകരമായി രക്ഷപ്പെട്ടു. ഇന്നലെ ഉച്ചക്കു രണ്ടിനാണു സംഭവം.
കോട്ടക്കല്‍ സ്വദേശികളായ ഹംസയും അദ്ദഹത്തിന്റെ പിതാവുമായിരുന്നു കാറില്‍ ഉണ്ടായിരുന്നത്. കടുങ്ങല്ലുരിലെ ഒരു വിവാഹ സല്‍ക്കാരത്തില്‍ പങ്കെടുത്തു മടങ്ങുമ്പോഴായിരുന്നു അപകടം.
വളവില്‍ എതിരെ വന്ന ബൈക്കിനെ ഇടിക്കാതിരിക്കാന്‍ വെട്ടിച്ചപ്പോള്‍ നിയന്ത്രണം വിട്ടു താഴ്ചയിലേക്ക് മറിയുകയായിരുന്നു. വൈകുന്നേരം അഞ്ചോടെ ക്രെയ്ന്‍ ഉപയോഗിച്ചു കാര്‍ ഉയര്‍ത്തുകയായിരുന്നു.