പരപ്പനങ്ങാടി: ചിറമംഗലത്തു റെയില്‍പാളത്തില്‍ വിള്ളല്‍. ഇന്നലെ വൈകിട്ട് ആറോടെ റെയില്‍വേ ഗേറ്റിനും പൂരപ്പുഴയ്ക്കുമിടയിലാണ് റെയില്‍പാളത്തിലെ വിള്ളല്‍ കണ്ടത്.
      ഇതിന്റെ തൊട്ടടുത്തു കളിക്കുകയായിരുന്ന കുട്ടികളാണ് ആദ്യം വിള്ളല്‍ ശ്രദ്ധിച്ചത്. ഉടനെ നാട്ടുകാര്‍ റെയില്‍വേ അധികൃതരെ അറിയിച്ചതിനെ തുടര്‍ന്നു ട്രെയിനുകള്‍ വിവിധ സ്റ്റേഷനുകളില്‍ പിടിച്ചിടുകയായിരുന്നു. റെയില്‍വേ പെര്‍മനന്റ് വേ വിഭാഗം എത്തി വിള്ളല്‍ അടച്ചതിനു ശേഷമാണ് ട്രെയിനുകള്‍ വേഗത കുറച്ചു കടത്തിവിട്ടത്.