ന്യൂഡല്‍ഹി: ഖത്തര്‍ ലോകകപ്പ് യോഗ്യതാ മത്സരങ്ങള്‍ക്കുള്ള ഇന്ത്യയുടെ സാധ്യതാ ടീമിനെ പ്രഖ്യാപിച്ചു. കഴിഞ്ഞ ദിവസമാണ് ഇഗോര്‍ സ്റ്റിമാച് ലോകകപ്പ് യോഗ്യതാ മത്സരങ്ങള്‍ക്കുള്ള സാധ്യതാ ടീമിനെ പ്രഖ്യാപിച്ചത്. 34 അംഗ സാധ്യതാ ടീമില്‍ നാലു മലയാളികള്‍ ഇടം നേടിയിട്ടുണ്ട്. പരുക്ക് കാരണം ഇന്റര്‍കോണ്ട@ിനെന്റല്‍ കപ്പില്‍ കളിക്കാതിരുന്ന ആഷിഖ് കുരുണിയന്‍, അനസ് എടത്തൊടിക എന്നിവരും ഇന്റര്‍ കോ@ണ്ടിനെന്റല്‍ കപ്പില്‍ ഇന്ത്യക്കൊപ്പം ഉണ്ട@ായിരുന്ന സഹല്‍, ജോബി ജസ്റ്റിന്‍ എന്നിവരുമാണ് ടീമില്‍ ഉള്‍പ്പെട്ട മലയാളികള്‍.

പരുക്ക് കാരണം ഇന്റര്‍കോണ്ടിനെന്റല്‍ കപ്പില്‍ ഇടം നേടാതിരുന്ന ആഷിഖ് കുരുണിയന്‍ ടീമിലേക്ക് തിരിച്ചെത്തിയിട്ടുണ്ട്. പരുക്ക് കാരണം ഇന്റര്‍കോണ്ടിനെന്റല്‍ കപ്പില്‍ കാര്യമായി ഇടം പിടിക്കാതിരുന്ന അനസും ഫിറ്റ്‌നസിലേക്ക് തിരിച്ചെത്തുന്നുണ്ട്. ലോകകപ്പ് മത്സരങ്ങളില്‍ താരത്തെ ടീമില്‍ കാണാം.
സെപ്റ്റംബര്‍ അഞ്ചിനാണ് ഇന്ത്യയുടെ ആദ്യ യോഗ്യതാ മത്സരം. ഗുവാഹത്തിയില്‍ നടക്കുന്ന മത്സരത്തില്‍ ഒമാനാണ് ഇന്ത്യയുടെ ആദ്യ എതിരാളി. ഖത്തറിനെതിരായ ര@ണ്ടാം മത്സരത്തിനായുള്ള ടീമും ഈ സാധ്യതാ ടീമില്‍നിന്ന് തന്നെയാണ് തിരഞ്ഞെടുക്കുക. മറ്റൊരു മലയാളി താരം സൂസൈരാജിന് ടീമിലിടം കിട്ടിയിട്ടില്ല. ചെന്നൈയിന്‍ താരം ജെജെക്കും സാധ്യതാ ടീമില്‍ ഇടം കിട്ടിയിട്ടില്ല. ഉടന്‍ തന്നെ ലോകകപ്പ് യോഗ്യതക്കായി തയാറെടുക്കുന്നതിനുള്ള ക്യാംപ് ആരംഭിക്കും.