അന്തിക്കാട്: വഴിതെറ്റിയെത്തിയ വാനരന്‍ എറവ് അഞ്ചാം കല്ല് നിവാസികളുടെ ഉറക്കം കെടുത്തുന്നു.
അഞ്ചാംകല്ല് ബാങ്ക് പരിസരത്താണ് വാനരനെ ആദ്യം കണ്ടത്. പിന്നീട് സമീപത്തെ വ്യാപാര സ്ഥാപനങ്ങളിലേക്കും വീടുകളിലേക്കും എത്തിയ വാനരന്‍ വികൃതി കാട്ടിത്തുടങ്ങി.
വീടുകളിലെ പൈപ്പ് തുറന്നു വെള്ളം ഒഴുക്കിവിട്ടും വാഷിങ് മെഷീന്റെ വയര്‍ പൊട്ടിച്ചും തന്റെ വികൃതി തുടര്‍ന്ന വാനരന്‍ നാട്ടുകാര്‍ക്ക് ശല്യമായി. ആരോവീട്ടില്‍ വളര്‍ത്തിയിരുന്ന വാനരനാണ് ഇതെന്ന് സംശയിക്കുന്നു. അരയില്‍ ചങ്ങല ചുറ്റി കിടക്കുന്നുണ്ട്. ചങ്ങല പൊട്ടിച്ചു രക്ഷപ്പെട്ടതാണെന്ന് കരുതുന്നു. പ്രദേശവാസികള്‍ക്ക് ശല്യമായ വാനരനെ ഉടന്‍ പിടികൂടണമെന്ന് നാട്ടുകാര്‍ ആവശ്യപ്പെട്ടു.