മലപ്പുറം: കശാപ്പിനുള്ള കന്നുകാലി വില്‍പ്പന നിരോധിച്ചുള്ള കേന്ദ്രപരിസ്ഥിതി വനം മന്ത്രാലയത്തിന്റെ ഉത്തരവിനെതിരേ സംസ്ഥാനവ്യാപകമായി മീറ്റ്‌വര്‍ക്കേഴ്‌സ് യൂനിയന്‍ (എസ്. ടി. യു)പ്രക്ഷോഭം സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
സംസ്ഥാനതല ഉദ്ഘാടനം  അഞ്ചിന് വൈകിട്ട് മൂന്നിന് മലപ്പുറം കലക്ട്രേറ്റ് പരിസരത്ത് നടക്കുന്ന അവകാശസംരക്ഷണ സംഗമം ഉദ്ഘാടനം ചെയ്ത് മുസ്‌ലിം ലീഗ് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി നിര്‍വഹിക്കും. ഏഴിന് കണ്ണൂരും കാസര്‍കോട്ടും  പ്രതിഷേധ സംഗമം നടത്തും. വാര്‍ത്താസമ്മേളനത്തില്‍ എസ്. ടി. യു ജനറല്‍ സെക്രട്ടറി എം റഹ്മത്തുള്ള, മീറ്റ്‌വര്‍ക്കേഴ്‌സ് യൂനിയന്‍ സംസ്ഥാന പ്രസിഡന്റ് ടി മൊയ്തീന്‍കുട്ടി, ബീരാന്‍ഹാജി മുള്ളമ്പാറ, മുഹമ്മദ് ചെറുകാട്  പങ്കെടുത്തു.