മണ്ണാര്‍ക്കാട്: കമാലീസ് അസോസിയേഷന്‍ സംസ്ഥാന കമ്മിറ്റി നല്‍കി വരുന്ന കല്ലൂര്‍ മൊയ്തീന്‍ കുട്ടി മുസ്‌ലിയാര്‍ സ്മാരക 'ആദര്‍ശ ധീര അവാര്‍ഡ്' സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളില്‍ നിന്ന് എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് മുസ്തഫ അഷ്‌റഫി കക്കുപ്പടി ഏറ്റുവാങ്ങി .

തെയ്യോട്ടുചിറയില്‍ നടന്ന സംഗമത്തില്‍ സമസ്ത കേന്ദ്ര മുശാവറ അംഗം നെല്ലായ കുഞ്ഞ് മുഹമ്മദ് മുസ്‌ലിയാര്‍ , കെ.എം.ഐ.സി പ്രിന്‍സിപ്പല്‍ സി.എച്ച് അബ്ദുറഹിമാന്‍ വഹബി, അബ്ദുഷുക്കൂര്‍ മദനി, എസ്.കെ.എസ്.എസ്.എഫ് സംസ്ഥാന ട്രഷറര്‍ ഹബീബ് ഫൈസി കോട്ടോപ്പാടം, ജില്ലാ പ്രസിഡന്റ് അന്‍വര്‍ സ്വാദിഖ് ഫൈസി, കബീര്‍ അന്‍വരി നാട്ടുകല്‍ തുടങ്ങിയവര്‍ സംബന്ധിച്ചു.