എറണാകുളം: സംസ്ഥാന സീനിയര്‍ ഫുട്‌ബോള്‍ ചാംപ്യന്‍ഷിപ്പില്‍ തൃശൂരിന് കിരീടം. ഇന്നലെ നടന്ന ഫൈനല്‍ മത്സരത്തില്‍ കോട്ടയത്തെ എതിരില്ലാത്ത രണ്ട് ഗോളിന് പരാജയപ്പെടുത്തിയായിരുന്നു തൃശൂര്‍ കിരീടം സ്വന്തമാക്കിയത്. തൃശൂരിന് വേ@ണ്ടി റോഷന്‍, ആന്റണി എന്നിവരാണ് ഗോളുകള്‍ നേടിയത്.
ടൂര്‍ണമെന്റിന്റെ തുടക്കം മുതല്‍ തകര്‍ത്തു കളിച്ച കോട്ടയത്തിന് അവസാനം തൃശൂരിന് മുന്നില്‍ അടിതെറ്റുകയായിരുന്നു. പാലക്കാടിനെ എതിരില്ലാത്ത നാല് ഗോളുകള്‍ക്ക് തറപറ്റിച്ചാണ് തൃശൂര്‍ ഫൈനലില്‍ പ്രവേശിച്ചത്. ക്വാര്‍ട്ടറില്‍ കഴിഞ്ഞ വര്‍ഷത്തെ ചാംപ്യന്മാരായിരുന്ന മലപ്പുറത്തെയും ആദ്യ റൗണ്ട@ില്‍ കണ്ണൂരിനെയും തൃശൂര്‍ തോല്‍പ്പിച്ചിരുന്നു.
തുടര്‍ച്ചയായ രണ്ടാം തവണയാണ് കോട്ടയം പരാജയപ്പെടുന്നത്. ഇന്നലെ രാവിലെ നടന്ന ലൂസേഴ്‌സ് ഫൈനലില്‍ പാലക്കാടിനെ പരാജയപ്പെടുത്തി ഇടുക്കി മൂന്നാം സ്ഥാനം സ്വന്തമാക്കി.
തൃശൂരിന്റെ റോഷന്‍ ടൂര്‍ണമെന്റിലെ മികച്ച താരമായി തിരഞ്ഞെടുക്കപ്പെട്ടു. തൃശൂരിന്റെ കിരീട നേട്ടത്തില്‍ നിര്‍ണായക പങ്ക് വഹിച്ച താരമാണ് റോഷന്‍.