പേരാമ്പ്ര:ചങ്ങരോത്ത് കൂടലോട്ട് സയ്യിദ് മുഹമ്മദലി ശിഹാബ് തങ്ങള്‍ ചാരിറ്റബിള്‍ സെന്റര്‍ എസ്.എസ്.എല്‍.സി, പ്ലസ് ടു ഉന്നത വിജയികളെ അനുമോദിക്കലും വ്യക്തിത്വ വികസന ക്ലാസും നടത്തി.
ഉദ്ഘാടനവും ഉപഹാര സമര്‍പ്പണവും ചങ്ങരോത്ത് പഞ്ചായത്ത് പ്രസിഡന്റ് കെ.കെ ആയിശ നിര്‍വഹിച്ചു. മുനീര്‍ സി.പി അധ്യക്ഷനായി. സിവില്‍ സര്‍വ്വീസ് ട്രയിനറും എഴുത്തുകാരനുമായ നവാസ് മൂന്നാംകൈ ക്ലാസ് നയിച്ചു. ശീതള്‍ സന്തോഷിനെ ചടങ്ങില്‍ ആദരിച്ചു.
തച്ചറോത്ത് കുഞ്ഞബ്ദുല്ല, ആപ്പറ്റ മൂസ്സ, കൂടലോട്ട് കുട്ടിമമ്മി, കുരിക്കള്‍ കണ്ടി മൊയ്തു, ഷംസുദ്ധീന്‍ ടി, ടി.എം.കെ മൊയ്തു, ഒന്തത്ത് ഖാസിം, സുഫൈറ ടീച്ചര്‍, ശീതള്‍ സന്തോഷ്, ഫാത്തിമത്ത് സുഹ്‌റ, ഷബാന കെ.കെ, ഷാനിബ ഷറിന്‍ സംസാരിച്ചു. റിയാസ് കുരിക്കള്‍ കണ്ടി സ്വാഗതവും മുഹമ്മദ് ഹാദി നന്ദിയും പറഞ്ഞു.