കോഴിക്കോട്: കുടിവെള്ളക്ഷാമം ഇല്ലാതാക്കുകയെന്ന ലക്ഷ്യത്തോടെ സര്‍ക്കാര്‍ നടപ്പാക്കുന്ന മഴക്കൊയ്ത്തുത്സവം പദ്ധതിയുടെ ഭാഗമായി സ്‌കൂളുകളില്‍ പരിസ്ഥിതി ദിനമായ ജൂണ്‍ അഞ്ചിന് മഴക്കുഴികള്‍ നിര്‍മിക്കും.
ഓരോ മഴത്തുള്ളിയും ഭൂമിയിലേക്ക് താഴ്ത്തി ഭൂഗര്‍ഭജല നിരപ്പ് ഉയര്‍ത്തുകയാണ് ഇതിലൂടെ ലക്ഷ്യമിടുന്നത്. വിദ്യാലയങ്ങളില്‍ അധ്യാപകര്‍, വിദ്യാര്‍ഥികള്‍, പി.ടി.എ, മറ്റ് ജീവനക്കാര്‍,സ്‌കൂള്‍ മാനേജ്‌മെന്റ് കമ്മിറ്റി, ബഹുജനസംഘടനകള്‍ എന്നിവരുടെ പങ്കാളിത്തത്തോടെ മഴക്കുഴികള്‍ നിര്‍മിക്കും. സംസ്ഥാന തല ഉദ്ഘാടനം തിങ്കളാഴ്ച രാവിലെ 9.30ന് കോഴിക്കോട് മെഡിക്കല്‍ കോളജ് കാംപസ് ഗവ. ഹയര്‍ സെക്കന്‍ഡറി സ്‌കൂളില്‍ മന്ത്രി സി. രവീന്ദ്രനാഥ് നിര്‍വഹിക്കും.