മലപ്പുറം: ജില്ലാ സാക്ഷരതാ മിഷന്റെ 'ഒരു പഠിതാവ് ഒരു വൃക്ഷത്തൈ നടുന്നു' പദ്ധതിക്ക് ജില്ലയില്‍ തുക്കം. സാക്ഷരതാ മിഷന്റെ പഠിതാക്കള്‍ മുഖേന 8000 വൃക്ഷത്തൈ നട്ടു സംരക്ഷിക്കുന്നതാണ് പരിപാടി. ജില്ലാതല ഉദ്ഘാടനം പി ഉബൈദുല്ല എം.എല്‍.എ പഠിതാക്കള്‍ക്ക് വൃക്ഷത്തെ നല്‍കി നിര്‍വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് സക്കീനപുല്‍പ്പാടന്‍ അധ്യക്ഷയായി. ബ്ലോക്ക് പഞ്ചായത്ത് പ്രസിഡന്റ് കെ സലീന, അസി. കോഡിനേറ്റര്‍ പി.വി പാര്‍വതി, നോഡല്‍ പ്രേരക് ടി സഫിയ, പി.ആര്‍ പ്രമോദ്, ജില്ലാ സാക്ഷരതാ മിഷന്‍ കോഡിനേറ്റര്‍ മനോജ് സെബാസ്റ്റ്യന്‍, അസി. കോഡിനേറ്റര്‍ പി.വി ശാസ്തപ്രസാദ് സംസാരിച്ചു.