താമരശേരി: ഫോറസ്റ്റ് റെയ്ഞ്ചിലെ വനപാലകരും ചുരം സംരക്ഷണ സമിതി പ്രവര്‍ത്തകരും ചേര്‍ന്നു താമരശേരി ചുരത്തില്‍ ലക്കിടി മുതല്‍ തകരപ്പാടി വരെ ശുചീകരിച്ചു. ശുചീകരണ പ്രവര്‍ത്തനം പുതുപ്പാടി പഞ്ചായത്ത് പ്രസിഡന്റ് കെ.കെ നന്ദകുമാര്‍ ഉദ്ഘാടനം ചെയ്തു. റെയ്ഞ്ച് ഓഫിസര്‍ സി. കൃഷ്ണദാസ് അധ്യക്ഷനായി. ബ്ലോക്ക് പഞ്ചായത്ത് മെംബര്‍ അഷ്‌റഫ് ഒതയോത്ത്, കനലാട് സെക്ഷന്‍ ഫോറസ്റ്റ്് ഓഫിസര്‍ രാഘേഷ് സംസാരിച്ചു. ശുചീകരണ പ്രവര്‍ത്തനത്തില്‍ അന്‍പതോളം പേര്‍ പങ്കെടുത്തു. മൊയ്തു മുട്ടായി, ഷാഹിദ് കുട്ടമ്പൂര്‍, പി.കെ സുകുമാരന്‍, റഷീദ്, ഒ.കെ സിജാസ് നേതൃത്വം നല്‍കി.