ന്യൂഡല്‍ഹി: എന്‍.ഡി.ടി.വി വാങ്ങാന്‍ സംഘ്പരിവാറുമായി അടുത്തബന്ധം പുലര്‍ത്തുന്ന വ്യവസായിയും യോഗഗുരുവുമായ ബാബാ രാംദേവ് നീക്കം തുടങ്ങിയതായി റിപ്പോര്‍ട്ട്. എന്‍.ഡി.ടി.വി അകപ്പെട്ട സാമ്പത്തിക പ്രതിസന്ധി മുതലെടുത്തും പുതിയ പ്രതിസന്ധികള്‍ സൃഷ്ടിച്ചും ചാനല്‍ സ്വന്തമാക്കാനാണ് രാംദേവിന്റെ ശ്രമം. മോദിസര്‍ക്കാര്‍ വിരുദ്ധ പക്ഷത്തെ ചാനല്‍ സ്വന്തമാക്കാനുള്ള രാംദേവിന്റെ നീക്കങ്ങള്‍ക്ക് സംഘ്പരിവാറിന്റെ പിന്തുണയുണ്ടെന്നും സൂചനയുണ്ട്.
എക്‌സ്‌ചേഞ്ച് 4 മീഡിയ ആണ് രാംദേവ് എന്‍.ഡി.ടി.വി ഓഹരി ഉടമകളുമായി പ്രാരംഭ ചര്‍ച്ച നടത്തിയ വിവരം പുറത്തുവിട്ടത്. ഭീമമായ സാമ്പത്തിക പ്രതിസന്ധിയിലകപ്പെട്ട എന്‍.ഡി.ടി.വി ഡിജിറ്റല്‍ പ്ലാറ്റ്‌ഫോമിലെ വരുമാനത്തിലാണ് പിടിച്ചുനില്‍ക്കുന്നത്.