കൊച്ചി: ഐ.ഡി.ബി.ഐ ഫെഡറല്‍ ലൈഫ് ഇന്‍ഷുറന്‍സ് ഈ വര്‍ഷം നടത്താനിരിക്കുന്ന സ്‌പൈസ് കോസ്റ്റ് മാരത്തണിന്റെ മുഖമായി ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറെ പ്രഖ്യാപിച്ചു. യു.എസ്.എ ട്രാക്ക് ആന്‍ഡ് ഫീല്‍ഡ് സര്‍ട്ടിഫിക്കേഷന്‍ ലഭിച്ചതോടെ നവംബര്‍ 12ന് മാരത്തണ്‍ നടത്താനാണ് തീരുമാനം.
മത്സരാര്‍ഥികളെ പ്രോത്സാഹിപ്പിക്കാന്‍ കൊച്ചിയിലെ ഏറ്റവും മനോഹരമായ 42 ചരിത്ര പ്രധാനമായ സ്ഥലങ്ങളിലൂടെ കടന്നു പോകുന്ന രീതിയിലാണ് റണ്ണിങ്ങ് കോഴ്‌സ് രൂപകല്‍പന ചെയ്തിട്ടുള്ളത്. 42.2 കിലോമീറ്റര്‍ ദൈര്‍ഘ്യമുള്ള ഫുള്‍ മാരത്തണ്‍, 21.2 കിലോമീറ്റര്‍ ദൈര്‍ഘ്യമുള്ള ഹാഫ് മരത്തണ്‍, എട്ട് കിലോമീറ്റര്‍ ദൈര്‍ഘ്യമുള്ള ഫാമിലി റണ്‍, 21.1 കിലോമീറ്റര്‍ ദൈര്‍ഘ്യമുള്ള കോര്‍പ്പറേറ്റ് റിലേ എന്നിങ്ങനെ നാല് വിഭാഗങ്ങളിലായാണ് മാരത്തണ്‍. വെല്ലിങ്ടന്‍ ഐലന്‍ഡ്, ഫോര്‍ട്ട് കൊച്ചി, നേവല്‍ ബേസ് തുടങ്ങിയ പ്രധാന സ്ഥലങ്ങളിലൂടെ മാരത്തണ്‍ കടന്നുപോകും.