വെഞ്ഞാറമൂട്: തെരുവ് നായയുടെ കടി ഭയന്നോടിയ കുട്ടിക്ക് പിക്കപ്പിടിച്ച് പരുക്കേറ്റു. ശാന്തിഗിരി അനുഷ ഭവനില്‍ അദ്വൈതി (13) നാണ് പരുക്കേറ്റത്. ഇന്നലെ രാവിലെ എട്ടിന് വെഞ്ഞാറമൂട് ആറ്റിങ്ങല്‍ റോഡില്‍ വച്ചായിരുന്നു സംഭവം. ജങ്ഷനു സമീപമുള്ള ട്യൂഷന്‍ സെന്ററിലേക്ക് പോവുകയായിരുന്ന കുട്ടിയെ ജങ്ഷനു സമീപം വച്ച് തെരുവ് നായ ഓടിക്കുകയും ഭയന്ന കുട്ടി റോഡിനു മറു വശത്തേക്ക് ഓടുന്നതിനിടെ ആറ്റിങ്ങല്‍ ഭാഗത്തു നിന്നും വന്ന പിക്കപ്പ് വാന്‍ ഇടിക്കുകയുമായിരുന്നു.
അപകടത്തില്‍ റോഡില്‍ തെറിച്ചു വീണ കുട്ടിയെ നാട്ടുകാര്‍ വെഞ്ഞാറമൂട്ടിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ടാങ്കര്‍ ലോറിയും ഓട്ടോറിക്ഷയും കൂട്ടിയിടിച്ച് നാലു പേര്‍ക്ക് പരുക്ക്.
ഓട്ടോറിക്ഷയിലെ യാത്രക്കാരായ വാമനപുരം മേലാറ്റുമൂഴി സ്വദേശികല്‍ ബാബു (67), ഗിരിജ (52), ദാമോദരന്‍ (75), ഓമന (65) എന്നിവര്‍ക്കാണ് പരുക്കേറ്റത്. ഇന്നലെ രാവിവെ ആറിന് എം.സി റോഡില്‍ വാമനപുരത്തു വച്ചായിരുന്നു അപകടം ഇവരെ വെഞ്ഞാറമൂട്ടിലെ സ്വരാര്യ ആശുപത്രിയില്‍ പ്രവേശിപ്പിച്ചു.