ഖാര്‍ത്തൂം: സുദാന്‍ മുന്‍ പ്രസിഡന്റ് ഉമര്‍ അല്‍ ബഷീറിനെ അഴിമതിക്കേസിലെ വിചാരണയ്ക്കായി ഖാര്‍ത്തൂം കോടതിയില്‍ ഹാജരാക്കി. 30 വര്‍ഷം രാജ്യം ഭരിച്ച ഇദ്ദേഹത്തിനെതിരേ അനധികൃതമായി വിദേശ കറന്‍സി കൈവശപ്പെടുത്തി, അഴിമതി നടത്തി, നിയമവിരുദ്ധമായി ഉപഹാരങ്ങള്‍ കൈപ്പറ്റി എന്നീ കുറ്റങ്ങളാണ് ചുമത്തിയിട്ടുള്ളത്. ഉമര്‍ അല്‍ ബഷീര്‍ ഒന്‍പതു കോടി ഡോളര്‍ സഊദി ഭരണാധികാരികളില്‍നിന്നു സ്വീകരിച്ചതായി അന്വേഷണ ഉദ്യോഗസ്ഥന്‍ കോടതിയില്‍ പറഞ്ഞു.
അദ്ദേഹത്തിന്റെ വസതിയില്‍നിന്ന് ഏഴര ദശലക്ഷം യൂറോ പിടിച്ചെടുത്തതായും പൊലിസ് വ്യക്തമാക്കി.
സഊദിയിലെ മുഹമ്മദ് ബിന്‍ സല്‍മാന്‍ രാജകുമാരനില്‍നിന്ന് 25 ദശലക്ഷം ഡോളറും അബ്ദുല്ല രാജാവില്‍നിന്ന് 65 ദശലക്ഷം ഡോളറും കൈപ്പറ്റിയതായി മുന്‍ പ്രസിഡന്റ് സമ്മതിച്ചതായി അന്വേഷണ ഉദ്യോഗസ്ഥന്‍ കോടതിയില്‍ പറഞ്ഞു.