ന്യൂഡല്‍ഹി: വെസ്റ്റ് ഇന്‍ഡീസിനെതിരായ ടെസ്റ്റ് മത്സരങ്ങളില്‍ ഇന്ത്യന്‍ പേസര്‍ നവദീപ് സൈനിയെ കരുതല്‍ താരമായി ഉള്‍പ്പെടുത്തും.
വിന്‍ഡീസിനെതിരായ ടി20 മത്സരങ്ങളില്‍ അരങ്ങേറ്റം കുറിച്ച സൈനി ആദ്യ മത്സരത്തില്‍ മൂന്ന് വിക്കറ്റും മാന്‍ ഓഫ് ദി മാച്ച് പുരസ്‌കാരവും നേടിയിരുന്നു.രണ്ട് ടെസ്റ്റ് മത്സരങ്ങളുള്ളതില്‍ നെറ്റ് ബൗളറായായിരിക്കും സ്‌ക്വാഡിനൊപ്പം സൈനി തുടരുകയെന്നാണ് ടീം മാനേജ്‌മെന്റ് വ്യക്തമാക്കുന്നത്.
ഭാവി ടെസ്റ്റ് താരമായി സൈനിയെ അവതരിപ്പിക്കാനുള്ള ശ്രമത്തിലാണ് മാനേജ്‌മെന്റ്. റെഡ് ബോള്‍ ക്രിക്കറ്റില്‍ ആഭ്യന്തര തലത്തില്‍ സൈനി മികച്ച പ്രകടനമാണ് കാഴ്ചവച്ചിരുന്നത്.