തിരുവനന്തപുരം: 'ഭക്ഷ്യ സുരക്ഷയ്‌ക്കൊപ്പം ആരോഗ്യം' എന്ന ആശയം മുന്‍നിര്‍ത്തി സംഘടിപ്പിച്ച സ്വസ്ത് ഭാരത് അഖിലേന്ത്യാ സൈക്ലത്തോണ്‍ മന്ത്രി കെ.കെ ശൈലജ ഫ്‌ളാഗ്ഓഫ് ചെയ്തു. ഗാന്ധി പാര്‍ക്കില്‍ നടന്ന ചടങ്ങില്‍ ആരോഗ്യ വകുപ്പ് അഡീഷനല്‍ ചീഫ് സെക്രട്ടറി രാജീവ് സദാനന്ദന്‍ ബാറ്റണ്‍ ഏറ്റുവാങ്ങിയതോടെ സൈക്കിള്‍ റാലിക്ക് തുടക്കമായി.പാപ്പനംകോട്, നേമം, ബാലരാമപുരം, നെയ്യാറ്റിന്‍കര, ചെങ്കല്‍, പാറശാല വഴി കളിയിക്കാവിള ഗ്രേയ്‌സ് ടി.ടി.സി യിലെത്തി തമിഴ്‌നാട് ഭക്ഷ്യസുരക്ഷാ വകുപ്പിന് സൈക്ലത്തോണ്‍ ബാറ്റണ്‍ കൈമാറി. ആരോഗ്യ വകുപ്പ് ഡയരക്ടര്‍ ഡോ. ആര്‍.എല്‍ സരിത, ഭക്ഷ്യ സുരക്ഷ കമ്മിഷണര്‍ കെ. അനില്‍കുമാര്‍ പങ്കെടുത്തു.