അഗര്‍ത്തല: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് കൊലപ്പെടുത്തിയ കേസില്‍ 26കാരന് വധശിക്ഷ. ഉത്തര ത്രിപുര ജില്ലാ കോടതിയാണ് ശിക്ഷ വിധിച്ചത്. ഇതിന് പുറമെ 50,000 രൂപ പിഴയടക്കാനും കോടതി ഉത്തരവിട്ടിട്ടുണ്ട്. മഹേഷ്പൂര്‍ ഗ്രാമത്തില്‍ 2018 സെപ്റ്റംബറിലായിരുന്നു കേസിനാസ്പദമായ സംഭവം നടന്നത്. ഈ വര്‍ഷം മാര്‍ച്ചില്‍ കുറ്റപത്രം സമര്‍പ്പിക്കുകയും അഞ്ച് മാസത്തെ വിചാരണക്കുശേഷം വിധി പുറപ്പെടുവിക്കുകയുമായിരുന്നു.