ബാലഘട്ട്: മധ്യപ്രദേശിലെ ബലാഘട്ടിലെ പടക്ക നിര്‍മാണ ശാലയിലുണ്ടായ തീപിടുത്തത്തില്‍ 22 പേര്‍ മരിച്ചു. മരണ സംഖ്യ ഇനിയും ഉയരാന്‍ സാധ്യതയുണ്ട്. നാല്‍പതോം പേര്‍ക്ക് അപകടത്തില്‍ പരുക്കേറ്റിട്ടുണ്ട്. ഇന്ന് വൈകീട്ട് നാലു മണിയോടെയായിരുന്നു പൊട്ടിത്തെറി.

ബലാഘട്ടിലെ കൈരി എന്ന സ്ഥലത്താണ് ഫാക്ടറി സ്ഥിതി ചെയ്യുന്നത്. ഇവിടെയുണ്ടായ തീപ്പൊരി പിന്നീട് ഉഗ്രസ്‌ഫോടനത്തോടെയുള്ള പൊട്ടിത്തെറിയായി മാറുകയായിരുന്നു. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവ സമയത്ത് 45ഓളം തൊഴിലാളികള്‍ ഫാക്ടറിയിലുണ്ടായിരുന്നു.

അപകടത്തില്‍ മുഖ്യമന്ത്രി ശിവരാജ് സിങ് ചൗഹാന്‍ അനുശോചനം രേഖപ്പെടുത്തി. അപകടത്തില്‍ മരിച്ചവരുടെ ആശ്രിതകര്‍ക്ക് സര്‍ക്കാര്‍ രണ്ടു ലക്ഷം രൂപ നല്‍കുമെന്നും പരുക്കേറ്റവരുടെ ചികിത്സാ ചിലവ് പൂര്‍ണമായും സര്‍ക്കാര്‍ വഹിക്കുമെന്നും സര്‍ക്കാര്‍ അദ്ദേഹം പറഞ്ഞു.