തിരുവനന്തപുരം:  കെ.എം മാണിയുമായി ചര്‍ച്ചകള്‍ തുടരുമെന്ന് കെ.പി.സി.സി പ്രസിഡന്റ് വി.എം സുധീരന്‍. യുഡിഎഫിനെതിരായ തീരുമാനങ്ങളൊന്നും മാണിയില്‍നിന്ന് ഉണ്ടാകില്ല. എല്ലാം ഉടന്‍ ശരിയാകും. ചരല്‍കുന്ന് ക്യാംപില്‍നിന്ന് നിര്‍ണായക തീരുമാനങ്ങളൊന്നും പ്രതീക്ഷിക്കേണ്ടതില്ലെന്നും സുധീരന്‍ പറഞ്ഞു. ആശയക്കുഴപ്പം പരിഹരിക്കാന്‍ ആവശ്യമെങ്കില്‍ ഹൈക്കമാന്‍ഡ് ഇടപെടുമെന്നും സുധീരന്‍ പറഞ്ഞു.

മാണി യുഡിഎഫ് വിടുമെന്ന് താന്‍ കരുതുന്നില്ലെന്ന് മുസ്‌ലിം ലീഗ് നേതാവ് പി.കെ.കുഞ്ഞാലിക്കുട്ടി പറഞ്ഞു. കേരള കോണ്‍ഗ്രസ്-എം യുഡിഎഫ് വിട്ട് ബി.ജെ.പിയില്‍ ചേര്‍ന്നാല്‍ ആത്മഹത്യാപരമാകും. കേരള കോണ്‍ഗ്രസിന്റെ ചരല്‍കുന്നിലെ ക്യാമ്പ് കഴിയുന്നതിന് കാത്തിരിക്കുകയാണെന്നും പി.കെ.കുഞ്ഞാലിക്കുട്ടി പറഞ്ഞു.