ഡല്‍ഹി : ഇന്ത്യ നേരിടുന്ന സാമ്പത്തിക തകര്‍ച്ചയില്‍ നിന്ന് രാജ്യത്തെ രക്ഷിക്കാന്‍ ശക്തമായ നടപടികള്‍ എടുക്കാന്‍ കേന്ദ്ര സര്‍ക്കാറിനാവുമെന്ന് ഡല്‍ഹി മുഖ്യമന്ത്രി അരവിന്ദ് കെജരിവാള്‍. രാജ്യം നേരിടുന്ന സാമ്പത്തിക പ്രതിസന്ധിയില്‍ നിന്ന് കരകയറ്റാന്‍ കേന്ദ്രസര്‍ക്കാറിനാവുമെന്ന് എനിക്ക് പൂര്‍ണവിശ്വാസമുണ്ട്, ഈ പ്രതിസന്ധിയെ നേരിടാന്‍ രാജ്യം ഒന്നായി നില്‍ക്കേണ്ട സമയമാണിത്. പ്രതിസന്ധിയെ നേരിടാന്‍ സര്‍ക്കാറില്‍ നിന്ന് എന്ത് നടപടിയുണ്ടായാലും ഡല്‍ഹി സര്‍ക്കാര്‍ പിന്തുണക്കുമെന്നും കെജരിവാള്‍ അറിയിച്ചു.

മുമ്പ് കശ്മീര്‍ വിഷയത്തില്‍ അടക്കം പല തന്ത്രപ്രധാന വിഷയങ്ങളിലും ബിജെപി സര്‍ക്കാരിനെ പിന്തുണച്ച് കെജരിവാള്‍ രംഗത്ത് വന്നിരുന്നു.