പാണ്ടനാട്: ലക്ഷ്യബോധവും രാജ്യസ്‌നേഹവും ഉള്ളവരായി പുതിയ തലമുറ വളര്‍ന്നുവരണമെന്ന് ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പോലീത്ത അഭിപ്രായപ്പെട്ടു. പഠിക്കുന്ന ഒരു നല്ല തലമുറ വളര്‍ന്നുവന്നാല്‍ ഏത് ചെറിയ നാടും വലിയ നാടായി മാറുമെന്നും അദ്ദേഹം പറഞ്ഞു.
കോണ്‍ഗ്രസ് പാണ്ടനാട് മണ്ഡലം കമ്മറ്റി സംഘടിപ്പിച്ച അനുമോദന സമ്മേളനത്തില്‍ പ്രസംഗിക്കുകയായിരുന്നു അദ്ദേഹം. മെത്രാപ്പൊലീത്തായുടെ ജന്മശതാബ്ദി സമ്മേളനം കെ.പി.സി.സി. സെക്രട്ടറി മാന്നാര്‍ അബ്ദുല്‍ലത്തീഫ് ഉദ്ഘാടനം ചെയ്തു.
മണ്ഡലം പ്രസിഡന്റ് കെ.ബി. യശോധരന്‍ അദ്ധ്യക്ഷത വഹിച്ച യോഗത്തില്‍ എ.ഐ.സി.സി. സെക്രട്ടി പി.സി. വിഷ്ണുനാഥ് മെത്രാപ്പോലീത്തായ്ക്ക് ഉപഹാരം നല്‍കി. എസ്.എസ്.എല്‍.സി, പ്ലസ്-ടു പരീക്ഷകളില്‍ ഉന്നതവിജയം നേടിയവരെ ഡി.സി.സി. പ്രസിഡന്റ് എം. ലിജു അനുമോദിച്ചു.