കൊട്ടാരക്കര: കേരളാ പൊലിസ് അസോസിയേഷന്റെ പ്രവര്‍ത്തനങ്ങള്‍ മാതൃകാപരമാണെന്ന് വനം-വന്യജീവി മന്ത്രി കെ രാജു. കേരളാ പൊലിസ് അസോസിയേഷന്റെ റൂറല്‍ ജില്ലാ കമ്മറ്റി കുളത്തൂപ്പുഴ കല്ലുവെട്ടാംകുഴി ഹയര്‍ സെക്കന്‍ഡറി സ്‌ക്കൂളില്‍ സംഘടിപ്പിച്ച പഠനോപകരണ വിതരണം ഉദ്ഘാടനം ചെയ്യുകയായിരുന്നു അദ്ദേഹം.
അന്‍പതോളം വിദ്യാര്‍ഥികള്‍ക്ക് പഠനോപകരണങ്ങള്‍ വിതരണം ചെയ്തു. റൂറല്‍ ജില്ലാ പൊലിസ് മേധാവി എസ് സുരേന്ദ്രന്‍ മുഖ്യപ്രഭാഷണം നടത്തി. കേരളാ പൊലിസ് അസോസിയേഷന്‍ ജില്ലാ പ്രസിഡന്റ് എസ് നജീം അദ്ധ്യക്ഷത വഹിച്ചു. പുനലൂര്‍ എ.എസ്.പി കാര്‍ത്തികേയന്‍ ഗോകുല ചന്ദ്രന്‍,കേരളാ പൊലിസ് അസോസിയേഷന്‍ സംസ്ഥാന ട്രഷറര്‍ എസ് ഷൈജു, വാര്‍ഡ് മെമ്പര്‍ അനില്‍കുമാര്‍, സ്‌കൂള്‍ ഹെഡ്മിസ്ട്രസ് ഷീല, കേരളാ പൊലിസ് ഓഫിസേഴ്‌സ് അസോസിയേഷന്‍ ജില്ലാ ജോയിന്റ് സെക്രട്ടറി എസ് സലിം, കേരളാ പൊലിസ് അസോസിയേഷന്‍ ഭാരവാഹികളായ ആര്‍ രാജീവന്‍, ശിവകുമാര്‍, വിനോദ്, ബിജു വി.പി, അജിത്ത്കുമാര്‍ എന്നിവര്‍ സംസാരിച്ചു.