തൃപ്രയാര്‍: തൃപ്രയാറില്‍ ബസ്‌യാത്രക്കാരിയുടെ പണവും മൊബൈല്‍ ഫോണും കവര്‍ന്ന രണ്ട്  തമിഴ് യുവതികളെ വലപ്പാട് പൊലിസ് അറസ്റ്റ് ചെയ്തു. തമിഴ്‌നാട് മധുര സ്വദേശിനി വള്ളി(30), മുക്കടം സ്വദേശിനി ശെല്‍വി(23) എന്നിവരാണ് ഇന്നലെ രാവിലെ വലപ്പാട് പൊലിസ്  അറസ്റ്റ് ചെയ്തത്. ഇന്നലെ രാവിലെ ഒന്‍പതുമണിയോടെ തൃപ്രയാര്‍  തൃശൂര്‍ റൂട്ടിലോടുന്ന സ്വകാര്യ ബസില്‍ വച്ചാണ് യാത്രക്കാരിയുടെ പണമടങ്ങുന്ന പഴ്‌സ് കവര്‍ന്നത്.
 ബസ് പൊലിസ് സ്റ്റേഷനിലേക്ക് കൊണ്ടുപോകുന്നതിനിടയില്‍ യുവതികള്‍ ബസില്‍നിന്നും ഇറങ്ങി ഓടികയായിരുന്നു. നാട്ടുകാരും പൊലിസും ചേര്‍ന്ന് ഇവരെ പിടികൂടി. പരിശോധനയില്‍ ഇവരില്‍നിന്നും ഒരു മൊബൈല്‍ ഫോണും .15,400 രൂപയും കണ്ടെടുത്തു.