ഇരിട്ടി:ആറളം പുനരധിവാസ മേഖലയില്‍ കാട്ടാനകളുടെ അതിക്രമം തുടരുന്നു. ആറളം വന്യജീവി സങ്കേതത്തില്‍ നിന്നു കൂട്ടത്തോടെ ഇറങ്ങുന്ന കാട്ടാനകള്‍ ആദിവാസികളുടെ കൃഷിയിടങ്ങളും വസ്തുവകകളും നശിപ്പിക്കുന്നത പതിനായിരിക്കുകയാണ്. ഇന്നലെ വൈകുന്നേരം ആറളം ഫാം പത്താം ബ്ലോക്കിലെ ശശി,ശൈല എന്നിവരുടെ കൃഷിയിടത്തിലും ഏഴാം ബ്ലോക്കിലെ വാസു എന്നിവരുടെ കൃഷിയിടത്തിലുമാണു കാട്ടാനകള്‍ ഇറങ്ങിയത്.
കുലച്ചു നില്‍ക്കുന്ന തെങ്ങുകളും വാഴകള്‍, ഇഞ്ചി തുടങ്ങിയ കൃഷികളുമാണ് നശിപ്പിച്ചത്. മുമ്പ് രാത്രി കാലങ്ങളില്‍ മാത്രം ഇറങ്ങിയിരുന്ന ആനകള്‍ ഇപ്പോള്‍ പകല്‍ സമയങ്ങളിലും ഇറങ്ങി കൃഷിയിടങ്ങള്‍ നശിപ്പിക്കുകയാണ്. ആറളം ഫാമിലെ ബ്ലോക്ക് 7,10,13 തുടങ്ങിയ സ്ഥലങ്ങളിലാണു കാട്ടാനകളുടെ ശല്യം രൂക്ഷം. കൂടാതെ കാട്ടു പന്നി, മാന്‍ തുടങ്ങിയവയുടെ ശല്യവും ഇവിടങ്ങളില്‍ രൂക്ഷമാണ്.