തളിപ്പറമ്പ്: തൊഗാഡിയ ഫാസിസ്റ്റ് ഭാഷയാണ് ഉപയോഗിക്കാറെന്നും അതുതന്നെയാണ് ബാലകൃഷ്ണപ്പിള്ളയും ഉപയോഗിക്കുന്നതെന്നും മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി. പീഡനം അനുഭവിക്കുന്ന ദലിതര്‍ക്കു ഐക്യദാര്‍ഢ്യം പ്രകടിപ്പിച്ചുകൊണ്ട്  മുസ്‌ലിം യൂത്ത് ലീഗ് സംസ്ഥാന കമ്മിറ്റിയുടെ ആഹ്വാനമനുസരിച്ചു തളിപ്പറമ്പ മുനിസിപ്പല്‍ യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച ദലിത് ഐക്യദാര്‍ഢ്യ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ദലിതര്‍ ഇത്രയേറെ ആക്രമിക്കപ്പെട്ട കാലഘട്ടം ഇതിനു മുമ്പ് ഉണ്ടായിട്ടില്ല. അതുകൊണ്ടു തന്നെ ദളിത് ഐക്യദാര്‍ഢ്യ സംഗമം ഏറെ സാമൂഹിക പ്രാധാന്യമുള്ളതാണെന്നും അദ്ദേഹം പറഞ്ഞു. കെ മുഹമ്മദ് ബഷീര്‍ അധ്യക്ഷനായി. എം.കെ.പി ഷമീര്‍ സ്വാഗതം പറഞ്ഞു. റഷീദ് ചങ്ങളം, കെ സുനില്‍കുമാര്‍ എന്നിവര്‍ വിഷയാവതരണം നടത്തി.
മഹമുദ് അള്ളാംകുളം, സമദ് കടംമ്പേരി, കെ മുസ്തഫ ഹാജി, കെ.കെ.എം ബഷീര്‍, പി.എ.യു അബുബക്കര്‍ സംസാരിച്ചു. ഓലിയന്‍ ജാഫര്‍ നന്ദി പറഞ്ഞു.