പാനൂര്‍:കടവത്തൂര്‍ ഇസ്‌ലാമിക് സെന്ററിന്റെ ആഭിമുഖ്യത്തില്‍ ഹജ്ജിനു പോകുന്നവര്‍ക്ക് യാത്രയയപ്പും ഹജ്ജ് പഠനക്ലാസും സംഘടിപ്പിച്ചു. എം ഗഫൂര്‍ അധ്യക്ഷനായി. സമസ്ത സെക്രട്ടറി പി.പി ഉമര്‍  മുസ്‌ലിയാര്‍ ഉദ്ഘാടനം ചെയ്തു. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി.
ജിദ്ദ കെ.എം.സി.സി കണ്ണൂര്‍ ജില്ലാ പ്രസിഡന്റ് അബ്ദുല്ല പാലേരി ജിദ്ദയിലേയും മക്കയിലേയും വളണ്ടിയര്‍  സേവനത്തെ കുറിച്ച് വിശദീകരിച്ചു. വി.പി അഹ്മദ് ഹാജി സ്വാഗതവും അബൂബക്കര്‍ ഞോലയില്‍ നന്ദിയും പറഞ്ഞു.
കല്ലിക്കണ്ടി ഇസ്‌ലാഹി സെന്ററിന്റെ ആഭിമുഖ്യത്തില്‍ ഹജ്ജ് പഠന ക്യാംപും  ഖുര്‍ആന്‍ പഠിതാക്കളുടെ സംഗമവും നടന്നു. തൃപ്പങ്ങോട്ടൂര്‍ ഗ്രാമ പഞ്ചായത്ത് പ്രസിഡന്റ്  കാട്ടൂര്‍ മുഹമ്മദ്  ഉദ്ഘാടനം ചെയ്തു. എ മൂസ്സ അധ്യക്ഷനായി. പി.കെ ഇബ്രാഹിം ഹാജി,  ഡോ. ഐ.പി. അബ്ദുസ്സലാം, ഇസ്മായില്‍ കരിയാട് ,  റാഫി പേരാമ്പ്ര, എന്‍.കെ അഹമ്മദ് മദനി , ഷുക്കൂര്‍ സ്വലാഹി  സംസാരിച്ചു.