നിലമ്പൂര്‍: ഇന്നു നടത്താനിരുന്ന രാഹുല്‍ ഗാന്ധി എം.പിയുടെ പാതാറിലെ സന്ദര്‍ശനം മാവോയിസ്റ്റ് ഭീഷണിയെത്തുടര്‍ന്ന് റദ്ദാക്കി. സുരക്ഷാ പ്രശ്‌നങ്ങളെത്തുടര്‍ന്ന് പൊലിസ് ആവശ്യപ്പെട്ടതുകൊണ്ടാണ് സന്ദര്‍ശനം റദ്ദാക്കിയതെന്ന് കോണ്‍ഗ്രസ് നേതൃത്വം അറിയിച്ചു. ഇന്നലെ മലപ്പുറം ജില്ലയിലെ പ്രളയ ബാധിതപ്രദേശങ്ങളില്‍ സന്ദര്‍ശനം നടത്തിയ രാഹുല്‍ ഗാന്ധി മമ്പാട് ടാണയിലെ ടീക് ടൗണ്‍ വില്ലയിലാണ് താമസിച്ചത്. പ്രളയ ബാധിതര്‍ക്ക് യഥാസമയം നഷ്ടപരിഹാരം കിട്ടാനായി കേന്ദ്ര, സംസ്ഥാന സര്‍ക്കാരുകളില്‍ സമ്മര്‍ദ്ദം ചെലുത്തുമെന്ന് രാഹുല്‍ ഗാന്ധി ആവര്‍ത്തിച്ചു.