ലണ്ടന്‍: മഴക്കളിയില്‍ വിജയിച്ച് പാകിസ്താന്‍ ചാംപ്യന്‍സ് ട്രോഫി സെമി പ്രതീക്ഷ കാത്തു. നിര്‍ണായക പോരാട്ടത്തില്‍ ദക്ഷിണാഫ്രിക്കയെ ഡക്ക്‌വര്‍ത്ത് ലൂയീസ് നിയമപ്രകാരം 19 റണ്‍സിനാണ് പാകിസ്താന്‍ വീഴ്ത്തിയത്. ആദ്യം ബാറ്റ് ചെയ്ത ദക്ഷിണാഫ്രിക്കയെ 50 ഓവറില്‍ എട്ട് വിക്കറ്റിന് 219 റണ്‍സില്‍ ഒതുക്കാന്‍ പാകിസ്താന് സാധിച്ചു. മറുപടി ബാറ്റിങ് തുടങ്ങിയ അവര്‍ 27 ഓവറില്‍ 119 റണ്‍സെന്ന ഭേദപ്പെട്ട നിലയില്‍ നില്‍ക്കവേ മഴ പെയ്യുകയായിരുന്നു.
മഴ നില്‍ക്കാതെ പെയ്തതോടെ മത്സരം ഉപേക്ഷിച്ച് പാകിസ്താനെ വിജയിയായി പ്രഖ്യാപിച്ചു. മൂന്ന് വിക്കറ്റെടുത്ത പാക് ബൗളര്‍ ഹസന്‍ അലിയാണ് കളിയിലെ കേമന്‍.