ന്യൂഡല്‍ഹി: രാജ്യത്തിന്റെ ഔദ്യോഗിക വിമാനകമ്പനിയായ എയര്‍ ഇന്ത്യ സ്വകാര്യവല്‍ക്കരിക്കുമെന്ന് കേന്ദ്രസര്‍ക്കാര്‍. എയര്‍ ഇന്ത്യയെ പൂര്‍ണമായും സ്വകാര്യവല്‍ക്കരിക്കുകയാണ് സര്‍ക്കാരിന്റെ ലക്ഷ്യമെന്നും കടുത്ത സാമ്പത്തിക പ്രതിസന്ധി നേരിടുന്നതിനാലാണ് നടപടിയെന്നും വ്യോമയാന മന്ത്രി ഹര്‍ദീപ് സിങ് പുരി അറിയിച്ചു. അമിത് ഷാ അധ്യക്ഷനായ മന്ത്രിസഭാ ഉപസമിതി യോഗത്തിലാണ് ഇതുസംബന്ധിച്ച തീരുമാനമുണ്ടായത്. അടുത്തു തന്നെ ഇക്കാര്യത്തില്‍ തുടര്‍നടപടിയുണ്ടാവുമെന്ന് മന്ത്രി അറിയിച്ചു.