തിരുവനന്തപുരം: 23ാമത് കേരള രാജ്യാന്തര ചലച്ചിത്രമേളയുടെ മത്സര വിഭാഗത്തിലേക്ക് മലയാളത്തില്‍നിന്ന് 'ഈ.മ.യൗ', 'സുഡാനി ഫ്രം നൈജീരിയ' എന്നീ ചിത്രങ്ങള്‍ തിരഞ്ഞെടുത്തതായി ചലച്ചിത്ര അക്കാദമി ചെയര്‍മാന്‍ കമല്‍ വാര്‍ത്താസമ്മേളനത്തില്‍ അറിയിച്ചു. മലയാളം സിനിമ ഇന്ന് വിഭാഗത്തില്‍ 12 സിനിമകള്‍ പ്രദര്‍ശിപ്പിക്കും. ഓത്ത്, പറവ, ഭയാനകം, ഉടലാഴം, മായാനദി, ബിലാത്തിക്കുഴല്‍, പ്രതിഭാസം, ഈട, കോട്ടയം, ഹ്യൂമന്‍സ് ഓഫ് സംവണ്‍, സ്ലീപ്‌ലെസ്‌ലി യുവേഴ്‌സ്, ആവേ മരിയ എന്നിവയാണ് മലയാളം സിനിമ ഇന്ന് വിഭാഗത്തില്‍ പ്രദര്‍ശിപ്പിക്കുക. ഇത്തവണ സൗജന്യ പാസുകള്‍ ഉണ്ടായിരിക്കില്ല. ഡെലിഗേറ്റ് രജിസ്‌ട്രേഷന്‍ നവംബര്‍ ഒന്നിന് തുടങ്ങും.