കൊല്ലം: പാണക്കാട് സയ്യിദ് മുഹമ്മദലി ശിഹാബ് തങ്ങളുടെ അനുസ്മരണാര്‍ഥം ശിഹാബ് തങ്ങള്‍ സെന്റര്‍ സംഘടിപ്പിക്കുന്ന ഓര്‍മ 2016 നാളെ വൈകിട്ട് നാലിന് കുണ്ടറ കരീപ്ര ശരണാലയത്തില്‍ നടക്കും. അനുസ്മരണയോഗം, ഭക്ഷണ വിതരണം, വസ്ത്രദാനം തുടങ്ങിയവ  ഇതോടനുബന്ധിച്ച് നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. കരിപ്ര പഞ്ചായത്ത് പ്രസിഡന്റ് അശോകന്‍ അധ്യക്ഷത വഹിക്കും. എ. യൂനുസ്‌കുഞ്ഞ്, എം അന്‍സാറുദ്ദീന്‍, അഡ്വ. സുല്‍ഫീക്കര്‍ സലാം, അഹമ്മദ് ഉഖൈല്‍, അബ്ദുള്ള കുണ്ടറ, അന്‍സാര്‍ കെ.കെ.വി, അനീസ് മുഹമ്മദ്, ഷിഹാസ്, സെയ്‌നുലാബ്ദീന്‍, തൗഫീഖ്, ബ്രൈറ്റ്  മുഹ്‌സിന്‍, ഗ്രാമപഞ്ചായത്തംഗങ്ങള്‍ തുടങ്ങിയവര്‍ സംസാരിക്കും.