മാള: ശബരിമലയിലെ സ്ത്രീ പ്രവേശം സംബന്ധിച്ച സുപ്രീം കോടതി വിധിയുടെ പശ്ചാതലത്തില്‍ കേരളത്തിലെ ഇടതുപക്ഷ മുന്നണി സര്‍ക്കാരിനെതിരേ വിശ്വാസി സമൂഹത്തെ തിരിച്ചുവിടാന്‍ ബി.ജെ.പി.യും കോണ്‍ഗ്രസും ബോധപൂര്‍വമായ ശ്രമമാണ് കേരളത്തില്‍ നടത്തുന്നതെന്ന് കേരള മഹിളാ സംഘം ജില്ലാ പ്രസിഡന്റ് ഷീന പറയങ്ങാട്ടില്‍ പറഞ്ഞു.
വിശ്വാസികളുടെ ദുര്‍ബല വികാരത്തെ മുതലെടുത്ത് സ്ത്രീകളെ തെരുവിലിറക്കുന്നതിന്റെ കാപട്യം സമൂഹം തിരിച്ചറിയണം. ഇടതുപക്ഷ സര്‍ക്കാര്‍ വിശ്വാസികള്‍ക്കെതിരല്ല.
സ്ത്രികളുടെ സമത്വത്തിനും സ്വാതന്ത്ര്യത്തിനും സ്ത്രീപദവി ഉയര്‍ത്തുന്നതിനും വേണ്ടി പ്രവര്‍ത്തിക്കുന്ന സര്‍ക്കാരിനെതിരെയുള്ള കള്ള പ്രചാരണങ്ങളെ രാഷ്ട്രീയമായി തന്നെ പ്രതിരോധിക്കാന്‍ സ്ത്രീ സമൂഹം മുന്നിട്ടിറങ്ങണമെന്നും അവര്‍ പറഞ്ഞു.
കേരള മഹിളാ സംഘം മാള പഞ്ചായത്ത് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു ഷീന പറയങ്ങാട്ടില്‍. ഉഷ ബാലന്‍ അധ്യക്ഷയായി. ശോഭ സുഭാഷ് റിപ്പോര്‍ട്ട് അവതരിപ്പിച്ചു. സുമശിവന്‍, ഇന്ദിര ദിവാകരന്‍, സാബു ഏരിമ്മല്‍, ബിജു ഉറുമീസ്, റസോജ ഹരിദാസ്, നിഷ ഷാജി, ബിന്ദു ബാബു, ബിന്ദു ശിവന്‍ സംസാരിച്ചു.