ന്യൂയോര്‍ക്ക്: ജമ്മു കശ്മീരിലെ നിലവിലെ സ്ഥിതിഗതികളില്‍ അതീവ ശങ്കയുണ്ടെന്ന് യു.എസ് സെനറ്ററും 2020 യു.എസ് തെരഞ്ഞെടുപ്പില്‍ ഡെമോക്രാറ്റുകളുടെ സ്ഥാനാര്‍ഥിയുമായ ബേര്‍ണീ സാന്‍ഡേഴ്‌സ്.

'ജനങ്ങള്‍ക്ക് വൈദ്യസഹായം പോലും ലഭിക്കാത്ത വിധത്തിലാണ് അടച്ചിടല്‍. ഇത് ഉടന്‍ നീക്കണം'- അദ്ദേഹം ആവശ്യപ്പെട്ടു.

കഴിഞ്ഞ 28 ദിവസമായി കശ്മീരില്‍ നിയന്ത്രണങ്ങള്‍ തുടരുകയാണ്. മേഖലയിലെ വാര്‍ത്താവിനിമയ സംവിധാനങ്ങള്‍ക്കും മാധ്യമങ്ങള്‍ക്കുമുള്ള വിലക്ക് അടിയന്തരമായി നീക്കണമെന്നും യു.എസ് സെനറ്റര്‍ ആവശ്യപ്പെട്ടു.

വിഷയത്തില്‍ യു.എസ് ശക്തമായ നിലപാട് സ്വീകരിക്കണം. ഐക്യരാഷ്ട്രസഭയുടെ സമാധാന പ്രമേയത്തെ അമേരിക്ക പിന്തുണയ്ക്കണമെന്നും അദ്ദേഹം ആവശ്യപ്പെട്ടു.