പുതുക്കാട്: വരന്തരപ്പിള്ളിയില്‍ മാട്ടില്‍ ക്ഷേത്രത്തിനുസമീപം സ്വകാര്യ വ്യക്തിയുടെ പറമ്പില്‍ നിന്നും അനധികൃതമായി മണ്ണെടുത്ത മൂന്ന് ടിപ്പര്‍ ലോറിയും ഒരു ജെ.സി.ബിയും വരന്തരപ്പിള്ളി പൊലിസ് പിടികൂടി.
ബുധനാഴ്ച വൈകിട്ടായിരുന്നു സംഭവം. നാട്ടുകാര്‍ വിവരമറിയിച്ചതിനെ തുടര്‍ന്ന് വരന്തരപ്പിള്ളി എസ്.എച്ച്.ഒ ചിത്രരഞ്ജന്റെ നേതൃത്വത്തിലുള്ള സംഘമാണ് വാഹനങ്ങള്‍ പിടികൂടിയത്.
യാതൊരുവിധ അനുമതിയുമില്ലാതെ പട്ടാപ്പകലാണ് മണ്ണെടുപ്പ് നടത്തിയിരുന്നത്. പിടികൂടിയ വാഹനങ്ങള്‍ ആര്‍.ഡി.ഒക്ക് കൈമാറുമെന്ന് പൊലിസ് അറിയിച്ചു.