നീലേശ്വരം: മനുഷ്യനന്മയും സാഹോദര്യവും നിലനിര്‍ത്തുകയും ഉള്ളവനും ഇല്ലാത്തവനും തമ്മിലുള്ള അന്തരം ലഘൂകരിക്കുകയുമാണ് റിലീഫ് പ്രവര്‍ത്തനത്തിലൂടെ ലക്ഷ്യമിടുന്നതെന്ന് എന്‍.എ നെല്ലിക്കുന്ന് എം.എല്‍.എ. കോട്ടപ്പുറം ശാഖാ മുസ്‌ലിം ലീഗ് കമ്മിറ്റിയും ശിഹാബ് തങ്ങള്‍ ഇസ്‌ലാമിക്ക് കള്‍ച്ചറല്‍ സെന്റര്‍ റിലീഫ് കമ്മിറ്റിയും സംയുക്തമായി സംഘടിപ്പിച്ച റിലീഫ് വിതരണവും ഇഫ്ത്താര്‍ മീറ്റും ഉദ്ഘാടനം ചെയ്യുകയായിരുന്നു അദ്ദേഹം.
റിലീഫ് കമ്മിറ്റി ചെയര്‍മാന്‍ റഹീം പുഴക്കര അധ്യക്ഷനായി. മികച്ച നിലയില്‍ കുടിവെള്ള വിതരണം നടത്തിയ ഇ. ഖാലിദ് ഹാജിയെയും ഫുട്‌ബോള്‍ കോച്ചിങ് ക്യാംപിനു നേതൃത്വം നല്‍കിയ പി.സി ഇഖ്ബാലിനെയും സ്‌കൂള്‍-കോളജ് തലങ്ങളില്‍ ഉന്നത വിജയം നേടിയ വിദ്യാര്‍ഥികളെയും ചടങ്ങില്‍ ആദരിച്ചു.
സി.കെ.കെ മാണിയൂര്‍, റഫീഖ് കോട്ടപ്പുറം, അബ്ദുള്‍ റസാഖ് തായീലക്കണ്ടി, എം. രാധാകൃഷ്ണന്‍ നായര്‍, കെ.വി ദാമോദരന്‍, വിജയകുമാര്‍, ഇ.കെ.കെ പടന്നക്കാട്, ദിനപ്രഭ, ഇബ്രാഹിം പറമ്പത്ത്, ഇ . കുഞ്ഞബ്ദുല്ല, എന്‍.പി മുഹമ്മദ് കുഞ്ഞി ഹാജി, പെരുമ്പ മുഹമ്മദ് കുഞ്ഞി, ഇ.കെ മജീദ്, ഇ.കെ റഷീദ്, എല്‍.ബി നിസാര്‍, അരിഞ്ചീര ഷംസുദ്ദീന്‍, മുബാഷ് കോട്ടപ്പുറം, കെ.പി കമാല്‍, ടി.സി മുഹമ്മദ് കുഞ്ഞി, പി.സി മുദ്‌രീക്കത്ത്, പി.പി അഹമ്മദ് സംസാരിച്ചു