കൊടുവള്ളി: കെ.എ.ടി.എഫ് കോഴിക്കോട് റവന്യൂ ജില്ലാ കമ്മിറ്റി സംഘടിപ്പിച്ച അറബിക് ടാലന്റ് പരീക്ഷയില്‍ ഹയര്‍സെക്കന്‍ഡറി വിഭാഗത്തില്‍ കോഴിക്കോട് റൂറല്‍ ഉപജില്ല ഓവറോള്‍ കിരീടം നേടി. റഹ്മാനിയ ഹയര്‍സെക്കന്‍ഡറി സ്‌കൂളിലെ പി.സി അജ്‌വദ് ജുമാന്‍ ഒന്നാം സ്ഥാനവും ഫറോക്ക് ഉപജില്ലയിലെ ചാലിയം ഗവണ്‍മെന്റ് ഹയര്‍സെക്കന്‍ഡറി സ്‌കൂളിലെ പി.വി മുഹമ്മദ് നിഹാദ് രണ്ടണ്ടാം സ്ഥാനവും നേടി.
ഹൈസ്‌കൂള്‍ വിഭാഗത്തില്‍ ചേന്ദമംഗല്ലൂര്‍ സ്‌കൂള്‍ വിദ്യാര്‍ഥി പി.എ ബാസില്‍ ഒന്നാം സ്ഥാനവും വട്ടോളി സംസ്‌കൃത സ്‌കൂളിലെ ഫാത്തിമതുല്‍ ഹന്നത്ത് രണ്ടണ്ടാം സ്ഥാനവും നേടി. യു.പി വിഭാഗത്തില്‍ പുത്തൂര്‍മഠം സ്‌കൂളിലെ അല്‍ഫാ ബിന്‍ത് ഷാഹുല്‍ ഹമീദ് ഒന്നാം സ്ഥാനവും വടകര എം.യു.എം.വി സ്‌കൂള്‍ വിദ്യാര്‍ഥി പി.പി മുഹമ്മദ് ആദില്‍ രണ്ടണ്ടാം സ്ഥാനവും നേടി. എല്‍.പി വിഭാഗത്തില്‍ നാദാപുരം അല്‍ഹുദാ സ്‌കൂള്‍ വിദ്യാര്‍ഥിനി അഫ്‌റാ ഫാത്തിമ ഒന്നാം സ്ഥാനവും ചേന്ദമംഗല്ലൂര്‍ സ്‌കൂളിലെ ഹവ്വാ ഖദീജ രണ്ടണ്ടാം സ്ഥാനവും നേടി.
സമാപന സമ്മേളനം താമരശ്ശേരി എ.ഇ.ഒ ടി.പി അബ്ദുല്‍ മജീദ് ഉദ്ഘാടനം ചെയ്തു. വിദ്യാഭ്യാസ ജില്ലാ വൈസ് പ്രസിഡന്റ് വൈ.പി അബൂബക്കര്‍ അധ്യക്ഷനായി. സംസ്ഥാന ട്രഷറര്‍ കെ.കെ അബ്ദുല്‍ ജബ്ബാര്‍ വിജയികള്‍ക്കുള്ള ട്രോഫികള്‍ വിതരണം ചെയ്തു. റാഫി ചെരച്ചോറ, ഷാജഹാന്‍ അലി അഹമ്മദ്, എന്‍.പി അബ്ദുല്‍ റഷീദ്, എം.എ ലത്തീഫ്, പി. മുഹമ്മദലി, എന്‍.കെ അബൂബക്കര്‍, ടി. മുഹമ്മദ്, എം.പി അബ്ദുല്‍ ഖാദര്‍, ടി.എ അസീസ് സംസാരിച്ചു.