ന്യൂഡല്‍ഹി: നിയമസഭാ തെരഞ്ഞെടുപ്പ് നടക്കാനിരിക്കുന്ന ഹരിയാനയില്‍ കോണ്‍ഗ്രസ് അധ്യക്ഷയായി മുന്‍ കേന്ദ്രമന്ത്രിയും രാജ്യസഭാംഗവുമായ കുമാരി സെല്‍ജയെ നിയമിച്ചു. കോണ്‍ഗ്രസ് തെരഞ്ഞെടുപ്പ് കമ്മിറ്റി അധ്യക്ഷനായും നിയമസഭാ കക്ഷി നേതാവായും മുന്‍ മുഖ്യമന്ത്രി ഭൂപ്പീന്ദര്‍ സിങ് ഹൂഡയെയും തെരഞ്ഞെടുത്തതായി സംസ്ഥാനത്തിന്റെ ചുമതലയുള്ള കോണ്‍ഗ്രസ് ജനറല്‍ സെക്രട്ടറി ഗുലാംനബി ആസാദ് വാര്‍ത്താസമ്മേളനത്തില്‍ അറിയിച്ചു. 2014 മുതല്‍ ഹരിയാന കോണ്‍ഗ്രസ് അധ്യക്ഷനായ അശോക് തന്‍വറിന്റെ പകരക്കാരിയായാണ് സെല്‍ജയുടെ വരവ്.