വാരം: വലിയന്നൂര്‍ പഞ്ചായത്ത് കിണര്‍ പ്രദേശത്തെ ജനങ്ങള്‍ രൂക്ഷമായ നായശല്യം കാരണം ഭീതിയില്‍.
അതിരാവിലെ തന്നെ കൂട്ടമായി എത്തുന്ന തെരുവ് നായ്ക്കള്‍ ജോലിക്ക് പോകുന്നവര്‍ക്കും വിദ്യാര്‍ഥികള്‍ക്കും കാല്‍നടയാത്രക്കുമടക്കും ഭീഷണിയാവുകയാണ്.
പരിസരങ്ങളിലെ വീടുകള്‍ കേന്ദ്രീകരിച്ച് വിഹരിക്കുന്ന നായകളുടെ ആക്രമണം ഭയന്നു പുറത്തിറങ്ങാന്‍ മടിക്കുകയാണ് പ്രദേശത്തുകാര്‍. കഴിഞ്ഞ ദിവസം കൂട്ട ആക്രമണത്തില്‍ നിന്നും ഒരു കുട്ടി രക്ഷപ്പെട്ടത് ഇതു വഴിവന്ന യുവാവിന്റെ അവസരോചിത ഇടപെടല്‍ കൊണ്ടാണ്. കൂടുതല്‍ ആക്രമണം നടക്കുന്നതിന് മുന്‍പ് നായ ശല്യത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.