തൃശൂര്‍: ഭാരത് കണ്‍സ്യൂമേഴ്‌സ് അസോസിയേഷന്റെ നേതൃത്വത്തില്‍ അതിരപ്പിള്ളി ജലവൈദ്യുത പദ്ധതി നടപ്പിലാക്കണമെന്ന ആവശ്യം ഉന്നയിച്ച് സെമിനാര്‍ സംഘടിപ്പിക്കുന്നു. ഹോട്ടല്‍ എലൈറ്റില്‍വച്ച് നടക്കുന്ന പരിപാടി പി.സി. ജോര്‍ജ് എം.എല്‍.എ ഉദ്ഘാടനം ചെയ്യും.
അസോസിയേഷന്‍ പ്രസിഡന്റ് കെ.സി. കാര്‍ത്തികേയന്‍ അധ്യക്ഷനാകും.
വൈദ്യുതി പ്രതിസന്ധിയും പരിഹാരവും എന്ന വിഷയത്തില്‍ എന്‍.ടി. ജോബും അതിരപ്പിള്ളി ജല വൈദ്യുത പദ്ധതിയും പരിസ്ഥിതി മൗലികവാദവും സത്യം എന്ത്? എന്ന വിഷയത്തില്‍ വി.എസ്. രാമകൃഷ്ണനും വിഷയമവതരിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വാര്‍ത്താസമ്മേളനത്തില്‍ കെ.സി. കാര്‍ത്തികേയന്‍, ശശി പുളിക്കന്‍, വി.എസ്. രാമകൃഷ്ണന്‍, പി.എസ്. സജീവ്, കെ.ടി. സൗദാമിനി എന്നിവര്‍ പങ്കെടുത്തു.