തലപ്പുഴ: റോഡരികിലെ മണ്ണിടഞ്ഞത് വീടിന് ഭീക്ഷണിയായി. നാല് സെന്റ് കോളനിയിലെ യൂസഫും കുടുംബവുമാണ് മണ്ണിടിഞ്ഞ് വീണതിനാല്‍ ഭീതിയില്‍ കഴിയുന്നത്.
റോഡില്‍ നിന്ന് 50 മീറ്റര്‍ ഉയരത്തിലാണ് വീട് നില്‍ക്കുന്നത്. ഇക്കഴിഞ്ഞ മഴയില്‍ വീടിനോട് ചേര്‍ന്ന ഭാഗം ഇടിയുകയായിരുന്നു. മണ്ണിടിഞ്ഞതോടെ ഏത് നിമിഷവും വീട് നിലംപൊത്തുമെന്ന സ്ഥിതിയിലാണ്. മണ്ണ് ഇടിഞ്ഞതോടെ വീട്ടിലേക്കുള്ള വഴിയും അടഞ്ഞു. സംരക്ഷണഭിത്തി കെട്ടി വീടിന് സുരക്ഷയൊരുക്കണമെന്നാവശ്യപ്പെട്ട് യൂസഫ് റവന്യു അധികൃതര്‍ക്കും, ജില്ലാ കലക്ടര്‍ക്കും നിവേദനം നല്‍കിയിട്ടുണ്ട്.