എരുമപ്പെട്ടി: വഴിയരികില്‍ നിന്നും കളഞ്ഞുകിട്ടിയ സ്വര്‍ണാഭരണവും പണവും ഉടമയ്ക്ക് നല്‍കി വെള്ളറക്കാട് സ്വദേശി ഷാഹുല്‍ഹമീദും ചിറമനേങ്ങാട് സ്വദേശി വിന്‍സണ്‍ കുത്തൂറും മാതൃകയായി. വെള്ളറക്കാട് കൊല്ലന്‍പടി സ്വദേശി നാന്‍സി വില്‍സന്റെ അഞ്ചര പവന്റെ സ്വര്‍ണാഭരണവും ആറായിരം രൂപയും അടങ്ങിയ പേഴ്‌സാണ് കളഞ്ഞു പോയത്.
വെള്ളറക്കാട് പള്ളിക്ക് സമീപത്ത് നിന്ന് പേഴ്‌സ് കണ്ട് കിട്ടിയ ഇവര്‍ രേഖകളില്‍ നിന്ന് മേല്‍വിലാസം മനസിലാക്കി ഉടമയെ കണ്ടെത്തുകയായിരുന്നു.നാന്‍സിയുടെ വീട്ടിലെത്തി ഇവര്‍ പേഴ്‌സ് കൈമാറി.