പട്ടിക്കാട്: ജീവകാരുണ്യ പ്രവര്‍ത്തനങ്ങളില്‍ യുവാക്കള്‍ സജീവമാകണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. നിര്‍ധനരുടെ ക്ഷേമത്തിനായി കീഴാറ്റൂര്‍ പഞ്ചായത്തില്‍ പ്രവര്‍ത്തനം ആരംഭിക്കുന്ന സയ്യിദ് മുഹമ്മദലി ശിഹാബ് തങ്ങള്‍ ചാരിറ്റബ്ള്‍ സൊസൈറ്റിയുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
ഇന്നലെ രാവിലെ പത്തിന് പട്ടിക്കാട് കമാനം മൈത്രി ഓഡിറ്റോറിയത്തില്‍ നടന്ന പരിപാടിയില്‍ പാണക്കാട് സയ്യിദ് മുഈനലി ശിഹാബ് തങ്ങള്‍ അധ്യക്ഷനായി. സൊസൈറ്റിക്ക് കീഴില്‍ ആരംഭിക്കുന്ന തഹ്ഫീളുല്‍ ഖുര്‍ആന്‍ കോളജിന്റെ ശിലാസ്ഥാപനവും ഹൈദരലി ശിഹാബ് തങ്ങള്‍ നിര്‍വഹിച്ചു. സര്‍വിസ് ആരംഭിക്കുന്ന ആംബുലന്‍സ് പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്തു.
ബൈത്തുറഹ്മ ശിലാസ്ഥാപനം സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. റിലീഫ് വിതരണം സയ്യിദ് മുഈനലി ശിഹാബ് തങ്ങളും സ്വയം തൊഴില്‍ ധന സഹായ വിതരണം അഡ്വ. കെ.എന്‍.എ ഖാദറും വിദ്യഭ്യാസ അവാര്‍ഡ് വിതരണം മഞ്ഞളാംകുഴി അലി എം.എല്‍.എയും ഓഫിസ് ഉദ്ഘാടനം അഡ്വ. എം ഉമ്മര്‍ എം.എല്‍.എയും ലോഗോ പ്രകാശനം കെ.കെ.എസ് ആബിദ് ഹുസൈന്‍ തങ്ങള്‍ എം.എല്‍.എയും നിര്‍വഹിച്ചു. എം.എല്‍.എമാരായ പി. ഉബൈദുല്ല, എന്‍. ശംസുദ്ദീന്‍, എസ്.വൈ.എസ് സംസ്ഥാന ട്രഷറര്‍ ഹാജി കെ. മമ്മദ് ഫൈസി, സയ്യിദ് ഫഖ്‌റുദ്ദീന്‍ തങ്ങള്‍ നെല്ലിക്കൂത്ത്, ശമീര്‍ ഫൈസി ഒടമല, എ.കെ നാസര്‍, പി. ഹനീഫ സംസാരിച്ചു. ഹാഫിള് ഇ.പി അബൂബക്കര്‍ ഖാസിമി പത്തനാപുരം മതപ്രഭാഷണം നടത്തി.