സുല്‍ത്താന്‍ ബത്തേരി: വാകേരി സ്‌കൂളില്‍ നാലു വര്‍ഷങ്ങള്‍ക്ക് മുന്‍പ് നിര്‍മാണം പൂര്‍ത്തിയാക്കിയ ഊട്ടുപുര ഉടന്‍ വിദ്യാര്‍ഥികള്‍ക്ക് തുറന്നു കൊടുക്കുന്നതിനുള്ള നടപടികള്‍ സ്വീകരിക്കണമെന്ന് ആവശ്യപ്പെട്ട് എം.എസ്.എഫ് സുല്‍ത്താന്‍ ബത്തേരി നിയോജകമണ്ഡലം കമ്മിറ്റി സ്ഥലം എം.എല്‍.എ ഐ.സി ബാലകൃഷ്ണന് നിവേദനം നല്‍കി. ഷാബാസ് അമ്പലവയല്‍, മുനവര്‍ അലി സാദത്ത്, ഉനൈസ് നായിക്കട്ടി, ജംഷീദ് വേങ്ങൂര്‍, അജ്മല്‍ സി.കെ എന്നിവരടങ്ങുന്ന സംഘമാണ് എം.എല്‍.എക്ക് നിവേദനം നല്‍കിയത്.
വിദ്യാര്‍ഥികളുടെ ഈ വിഷയത്തിന് പരിഹാരം കണ്ടില്ലെങ്കില്‍ ശക്തമായ പ്രക്ഷോപ പരിപാടികളുമായി രംഗത്തിറങ്ങുമെന്നും നിവേദനത്തില്‍ പറയുന്നു.