കണ്ണൂര്‍: ഗൂഗ്ള്‍ മേപ്പ്‌ മാത്രം നോക്കി വാഹനമോടിക്കുന്നവര്‍ ശ്രദ്ധിക്കുക. മാപ്പ് നോക്കി റോഡ് നോക്കാതെ വാഹനമോടിച്ചാല്‍ ചിലപ്പോള്‍ വാഹനം കടക്കാന്‍ പോലും കഴിയാത്ത റോഡിലേക്കു വാഹനം പ്രവേശിക്കും. കണ്ണൂര്‍ പഴങ്ങാടിയില്‍ തിങ്കളാഴ്ച്ച ഗ്യാസുമായി വന്ന ടാങ്കര്‍ ലോറി മണിക്കൂറുകളോളമാണ് റോഡില്‍ കുടുങ്ങിയത്. പഴങ്ങാടി കെ.എസ്.ടി.പി റോഡു വഴി പയ്യന്നൂര്‍ ഭാഗത്തേക്കു വന്ന ലോറിയാണ് മാടായിപ്പാറ-കിയ്യച്ചാല്‍ റോഡു വഴി വെങ്ങര അമ്പുകോളനി റോഡില്‍ എത്തിപ്പെട്ടത്. ഒരു ചെറിയ ലോറിക്കു മാത്രം പോവാന്‍ കഴിയുന്ന റോഡിലാണ് ടാങ്കര്‍ ലോറി കുടുങ്ങിയത്. ഗൂഗ്ള്‍ മാപ്പു ഉപയോഗിച്ചാണ് യാത്ര വഴി കണ്ടെത്തിയതെന്ന് ഡ്രൈവര്‍ പറഞ്ഞു.