പയ്യാവൂര്‍: ജില്ലയിലെ ആദ്യ വനിതാ എസ്.ഐ ചിറക്കല്‍ സ്വദേശിനി സി മല്ലിക ഇന്നലെ പയ്യാവൂര്‍ സ്റ്റേഷനില്‍ ചുമതലയേറ്റു. തളിപ്പറമ്പ് സ്റ്റേഷനില്‍ അഡീഷണല്‍ എസ്.ഐ ആയിരുന്നു. സര്‍ക്കാരിന്റെ പുതിയ പൊലിസ് നയത്തിന്റെ ഭാഗമായാണ് സംസ്ഥാനത്തെ ഏഴ് സ്റ്റേഷനുകളില്‍ വനിതകള്‍ക്ക് ചുമതല നല്‍കുന്നത്. നേരത്തെ വനിതാ സെല്ലിലും വനിതാ സ്റ്റേഷനിലും മാത്രമായിരുന്നു എസ്.ഐമാരായി വനിതകളെ നിയമിച്ചിരുന്നത്.