ഗൊരഖ്പൂര്‍: വിദേശത്തുള്ള ഭര്‍ത്താവുമായി മൊബൈല്‍ ഫോണില്‍ സംസാരിക്കുന്നതിനിടെ യുവതി പാമ്പുകടിയേറ്റ് മരിച്ചു. ഉത്തര്‍പ്രദേശിലെ ഗൊരഖ്പൂരിലെ റിയാന്‍വ് ഗ്രാമത്തിലായിരുന്നു സംഭവം.
ഗീത എന്ന യുവതിയാണ് കിടപ്പുമുറിയില്‍വച്ച് പാമ്പുകടിയേറ്റ് മരിച്ചത്. തായ്‌ലന്‍ഡില്‍ ജോലിചെയ്യുന്ന ഭര്‍ത്താവ് ജയ്‌സിങ് യാദവുമായി മൊബൈല്‍ ഫോണില്‍ സംസാരിച്ച് കിടപ്പുമുറിയിലേക്ക് എത്തിയ ഗീത കട്ടിലില്‍ കിടന്ന രണ്ട് പാമ്പുകളുടെ മുകളിലാണ് ഇരുന്നത്.
തൊട്ടുപിന്നാലെ ഗീതയ്ക്ക് പാമ്പുകളുടെ കടിയേല്‍ക്കുകയായിരുന്നു.
നിമിഷങ്ങള്‍ക്കകം ബോധരഹിതയായ യുവതിയെ ബന്ധുക്കള്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കിടപ്പുമുറിയില്‍ കയറിക്കൂടിയ പാമ്പുകള്‍ ബെഡ്ഷീറ്റിന്റെ നിറം കാരണം ഗീതയുടെ ശ്രദ്ധയില്‍പ്പെട്ടുകാണില്ലെന്നാണ് ബന്ധുക്കളുടെ നിഗമനം.