മാഡ്രിഡ്: സ്വന്തം മൈതാനത്ത് നടന്ന ലാലിഗ മത്സരത്തില്‍ റയല്‍ മാഡ്രിഡിന് ആവേശ ജയം. സൂപ്പര്‍ താരം കരിം ബെന്‍സേമയുടെ ഇരട്ടഗോളില്‍ ലെവാന്റെയെ 3-2ന് പരാജയപ്പെടുത്തി. റയലിനായി കാസമിറോയും ഗോള്‍ സ്വന്തമാക്കി.
60ാം മിനുട്ടില്‍ പകരക്കാരനായിറങ്ങി ഹസാര്‍ഡ് അരങ്ങേറ്റം കുറിച്ചെങ്കിലും ഗോള്‍ നേടാന്‍ കഴിഞ്ഞില്ല. മത്സരത്തിലെ ആദ്യ പകുതിയിലാണ് റയലിന്റെ ഗോളുകളെല്ലാം വീണത്. രണ്ടാം പകുതിയില്‍ ലെവാന്റെ രണ്ട് ഗോളടിച്ച് സമനിലക്കായി ശ്രമിച്ചെങ്കിലും റാമോസും മാഴ്‌സലോയും നയിക്കുന്ന പ്രതിരോധത്തെ മറികടക്കാന്‍ കഴിഞ്ഞില്ല. ജയത്തോടെ റയല്‍ നാലു കളികളില്‍നിന്ന് എട്ട് പോയിന്റുമായി രണ്ടാമതെത്തി.